اطباقى سهلة ولذيذة اتفضلو معايا ....

*
يفضل تحمصون المكسرات في البيت شرحت كيف هنا. بس لو ما تبون الخطوة
الإضافية تقدرون تستخدمون مكسرات نية بدون مشاكل ، الطعم بيكون شوي مختلف.


* كثير
وصفات تستخدم زبدة للبقلاوة. الزبدة زي ما شرحت هنا فيها مويه وهذي بتلصق
طبقات الفيلو على بعض شوي وماراح تعطي نفس القوام اللي الزبدة المصفية
تعطية. يمديكم تستخدمون سمن وهذا راح يعطي طعم حلو مع البقلاوة أو حتى
تستخدمون زبدة ماراح يكون الفرق كبير مره.
.
* عجينة
الفيلو أو الكلاج غالبا ما تنباع مفرزة. عندكم خيارين هنا : الخيار الأول
هو إنكم تتركونها في الثلاجة طول الليل إلين تذوب. الخيار الثاني هو إنكم
قبل تشتغلون عليها علطول يعني بعد ما تجهزون الحشوة وكل شي تطلعونها من
العلبة وتحطونها في المايكروييف دقيقة (بالكيس البلاستك اللي عليها). عن
نفسي أفضل خيار المايكروييف.
.




الطريقة :
.
نسخن الفرن ل 350
.
نبدأ
أول شي بإننا نحط البهارات الكاملة في مطحنة بهارات ونطحنها إلين تصير
بودرة ناعمه بعدين ننقلها على صحن. لو بنستخدم بهارات مطحونه أخلطوها مع
بعض وحطوها عالجنب.


حط
المكسرات مع السكر و البهارات ورشة ملح في خلاط مولينكس ونشغل الخلاط على
دفعات pulse يعني نشغله ونطفيه ونشغله ونطفيه ما نخليه شغال طول الوقت إلين
تنطحن المكسرات وتتحول لخليط خشن موب بودرة ! لا تخلون الخلاط يشتغل أكثر
من اللازم هذي الخطوة جدا مهمة.








الحين
نبدأ نركب طبقات الفيلو. أول شي نسويه نطلع الفيلو من الثلاجه أو نذوبها
في المايكروييف زي ما شرحت فوق. نطلع العجينة من العلبه و الكيس ونفردها
على الطاولة اللي بنشتغل عليها. نجيب صينية مستطيلة أبعادها تقريبا 13 في 9
إنش ونحطها فوق الفيلو ونقص زوائد العجين بحيث تكون نفس حجم الصينية
تقريبا.






عجينة الفيلو تنشف بسرعة عشان كذا خلوها دايما مغطية بطبقة نايلون وفوق النايلون منشفة رطبة.







ندهن قاع و أطراف الصينية اللي بنشتغل عليها بطبقة من الزبدة بعدين نحط ورقة من عجينة الفيلو عليها.







ندهن
العجينة بالزبدة بعدين نحط فوقها طبقة فيلو ثانية. نستمر بهذي الطريقة
طبقة عجين وندهنها بزبدة بعدين طبقة فيلو ثانية إلين يصير عندنا 10 طبقات
تحت.
.
بعد الطبقة العاشرة نحط 1/3 خليط المكسرات ونوزعه بالتساوي قدر الإمكان.








الحين
نكمل من جديد ، طبقة عجين ، ندهنها بزبدة وبعدين طبقة عجين إلين نسوي 6
طبقات بعدين نحط فوقها الثلث الثاني من المكسرات. نعيد نفس الشي ب 6 طبقات
عجين وزبدة وبعدين باقي المكسرات وبعدين نعيد نفس الشي بس هذي المرة نسوي 8
طبقات (مع زبدة بينهم طبعا).
.
ندهن
آخر طبقة بزبدة ونحاول نغطي كل منطقة بعدين ندخل الصينية الثلاجه لمدة
ساعة تقريبا أو نص ساعة على أقل تقدير. هذي الخطوة إختيارية بس بتساعدنا
بعدين في تقطيع البقلاوة.
.







نطلع
الصينية من الثلاجه وبأحد و أنحف سكين عندنا نسوي خطوط بالطول وخطوط
بالعرض (بعد الخطوط عن بعض هو حجم حبات البقلاوه فالخيار راجعلكم) بس ما
نقطع إلين آخر شي تحت بس إلين نص المسافة تقريبا. الخيار راجعلكم لو تبون
البقلاوة مربعات بس عن نفسي قطعت كل مربع نصين بشكل قطري بحيث أسوي بقلاوة
مثلثة.







ندخل الصينية الفرن عالرف الأوسط إلين تتحمر من فوق ، راح تاخذ بالعادة من 50 دقيقة إلي ساعة.
.
والبقلاوة في الفرن نبدأ في الشيرة.


الشيرة :
.
في
قدر ثقيل ، نخلط السكر مع المويه و العسل و قشر البرتقال و القرفة ونحطهم
على حرارة عالية مع التحريك من وقت لوقت إلين يذوب السكر وتبدأ الشيره
تغلي.
.
بعد ما تغلي ننزل الحراره لوسط ونخليها تطبخ 10 دقايق تقريبا.








نطفي النار بعدين نشيل القرفة وقشر البرتقال ونحط موية الورد أو الزهر. نقدر نسوي الشيره قبلها بأسبوع تقريبا ونحفظها في الثلاجة.








بعد ما تخلص البقلاوة نطلعها من الفرن ونحطها على شبك تبريد تبرد ربع ساعة تقريبا.







الحين نرجع من جديد على أماكن القطع اللي سوينا بس هذي المرة نحاول نقطع إلين آخر شي.
.
الحين
نصب كل الشيره على البقلاوه ونحاول نوزعها بالتساوي في كل مكان بعدين
نخليها تتشرب الشيرة 8 ساعات تقريبا برا الثلاجة. وبس هذي البقلاوة.